المنتدى
رأى الأبناء وأهميته
كل يوم بتعملي مجهود كبير مع أولادك
و أوقات تحسي انهم مش مقدرين قيمة رعايتك ليهم أو مش واصلهم مدى حرصك و أهتمامك بيهم.
و رغم كل اللي بتعمليه ساعات يجيلك شك و تسألي نفسك.. هو انا صحيح بعملهم إيه؟
ما كل الأمهات بتعمل المجهود ده و بتهتم بأولادها عادي.
خليني أقولك هنا حاجة مهمة ??
فكري تسألي أولادك بدل ما بتسألي نفسك و يزيد الشك و القلق جواك.
سؤال يطمنك آخر كل يوم زي مثلا ?
◾أيه أكثر حاجة عملتها عجبتكم و حبتوها النهاردة ؟
◾أيه اللي عملته النهاردة و تحبه أكرره كل يوم؟
◾ هل أحسنت ليكم في موقف أو تصرف النهاردة؟
◾علمتكم أيه النهاردة و اتناقشنا فيه مع بعض؟
◾أيه الحاجة اللي لو عملتها مع كل واحد تفرق معاه جدا؟
و أستمتعي بأجمل أجابات هطمن قلبك و تطبط عليك في عز ما انت فاكرة انك مقصرة و حاسة بالذنب و مقلله من قيمتك و دورك معاهم.
شوفي نفسك بعنيهم و حسي تأثيرك عليهم في أبسط الأمور اللي هتكتشفي انها فارقة معاهم جدا و انت مش واخدة بالك.
يا سلام لو تبادليهم أجاباتك و تقوليلهم أجمل تصرف في اليوم صدر منهم .. أيه اللي عملوه بأحسان لك أو لأخواتهم.. ممكن تكوني اتعلمت منهم حاجة حلوة.. عرفيهم و اشكريهم.. علشان يحسوا التقدير و يعرفوا يتعاملوا به معاك دايما ?
#دمنارحسن #أمومةحقيقية
#مكانيكامب #ليكولأولادك
اترك تعليقاً
يجب أنت تكون مسجل الدخول لتضيف تعليقاً.