فهم الأبناء

لكل واحد من أولادك شخصيتين 👇
1: شخصية حقيقية :
انت عارفاها كويس و عارفة نقاط قوتها و تميزها و نقاط ضعفها .
2: شخصية مثالية :
انت نفسك يكونوا عليها و يكتسبوا صفاتها .

الأم الحقيقية بتتقبل شخصية ولادها الحقيقية و بتقدر صفاتهم الحلوة الموجودة و بتحدد معاهم أهداف لأكتساب مهارات تحسن من نقاط ضعفهم و هي متقبلاهم تماما .

لو تقبلتي ولادك .. هيكبروا متقبلين نفسهم و بيسعوا في تطوير أهداف لتحسينها بحب .

لكن لو كبروا مع كل نقطة ضعف يحسوها يفتكروا كلامك السلبي و يحسوا بالم و كره للجزء ده من نفسهم و شخصيتهم .. عارفة هيعملوا ايه ؟
هيلبسوا ماسك يخبوا وراه ضعفهم و الألم و عدم التقبل لنفسهم لأنهم عارفين الأخرين و الناس و المجتمع و كل اللي هيتعامل معاهم عايزهم شخصية مثالية .

في مكاني كامب بتقبل شخصيات الأولاد الحقيقية و بشتغل معاهم علي تطوير مهاراتهم و بتكون أهدافهم الخاصة .
الأولاد بيحبوا يكملوا و يستمروا في مكاني كامب لأنهم رغم أي تحديات بيحسوا بالحب و التقبل و الأمان اللي بيرفع تقديرهم و أحترامهم لنفسهم و يساعدهم يحبوا يطوروا أحسن المهارات لشخصيتهم الحقيقية .

اقبلي أولادك .. هيكونوا صورة حقيقية طبق الأصل .