مشاركة الأب فى تربية الأبناء

الأم لوحدها متسقفش!!

 بالظبط زي أيد لوحدها متسقفش.

▪️دايماً بنركز على دور الأمومة و الأم و تأثيره على الأسرة و الأبناء.. لدرجة حولت الأم انها تتحمل مسؤوليات كبيرة لوحدها بدون مشاركة الأب

وصلت الأم لضغوط و سعي وراء المثالية و الكمال لأنها أكيد مش عايزة تقصر في مسؤوليتها..خاصة لما تشعر ان

الأب دوره المحاسبة و الأنتقاد لأي مشاكل أو تحديات.

▪️في حين ان الأسرة محتاجة التركيز على مشاركة الأم و الأب و تعاونهم لأنجاز هدفهم في بناء الأسرة و تربية الأبناء.

▪️دايماً لما بنشوف مشاريع كبيرة بتتقدم 

بنسمع كلمة تم بتعاون مشترك

كذلك الأسرة و التربية مشروع كبير و تأثير التعاون المشترك ▪️له أبعاد نفسية عظيمة على كل أفراد الأسرة منها :

1: شعور الأم و الأب بالقيمة و الأهمية لما كل واحد يشارك بدور مهم بدل شعور اللوم و التقصير اللي بينشأ من عدم التعاون.

2: المشاركة بين الأم و الأب بتقدم مثال عملي و قدوة تعلم الأولاد كل ما يكبروا هما كمان يشاركوا و يتحملوا مسؤوليات في الأسرة بحب و أهتمام لأنهم شافوا و كبروا على المشاركة و تبادل الأدوار بشكل طبيعي و أساسي في نظام الأسرة.

3: الراحة النفسية بتتحسن بمشاركة الأب في المسؤوليات

لأن دعمه بيوصل أمان و حب و أهتمام للأم و بيدعمها قبل ما توصل لدرجات التوتر و الضغط العالي و الأحتراق من المجهود المستمر و المطلوب للأمومة و رعاية الأبناء.

4: المشاركة بتسمح للأبناء من الأستفادة من نقاط قوة شخصية الأم و الأب اللي بتظهر في المواقف اليومية.

5: الثقة بتزيد في العلاقة بين أفراد الأسرة نتيجة ترابطهم بالمشاركة و التعاون.

6: المشاركة دايماً بتضيف رصيد أيجابي بيسمح بتحمل الصعاب و التحديات و المواقف السلبية.

7: المشاركة قوة بتدعم حزم الأم و الأب في توجيه الأبناء ووضع الحدود و القواعد.. لكن بدون ظهور الأب بشكل واضح في دوره مع الأم يبدأ الأبناء يستدعوا دوره بالمشاكل و السلوكيات السلبية جذباً لأنتباه الأب و أهتمامه.

الأسرة بدأت بأم و أب و دورهم في المشاركة مع بعض عامل أساسي في الحفاظ على أستقرار الأسرة و نجاحها.

#دمنارحسن #أمومةحقيقية

#أمومة #أسرة #تربية #أبناء